بسم الله الرحمن الرحيم
طبعا الكل عارف ايش تعني العناية والاهتمام سواء كان عناية خارجية او داخليه موضوعي حيكون بلعناية او الاهتمام الداخلي.
الاهتمام هي عادة او روتين او طبع شئ ديني واحنا عارفين او النظافة من الايمان. وفي زمنا هدا مافي احد ما يحب يهتم في نفسه بنت او ولد.
حاتكلم عن عنايتي انا شخصيا من ناحية الشعر الجسم او البشرة وعندي كم خلطة للكل واحد منهم.
الشعر
الشعر جمال المراة وخاصة ادا كان طويل وحلو اللي تهتم بشعرها وتتعب عليه عمرها ماراح تندم بموضة الشعر القصير اللي دارج هالايام بالوانه الكل صار يدور عليه ولما تقص شعرها تندم خلاص ادا كنتي حتندمي لا تقصيه خليكي على الشعر الطويل واهتمي فيه .
لما كنت بنت والله العظيم ما اجامل اوا بالغ كان من طول شعري يقولوي شعرك توصيلة كنت اهتم فيه بخلطات وزيوت حتى ضفاير اللي يسوها الافريقات اسويها طبعا اهتمامي بشعري بدء من الثانويه الين بعد الجامعة.
هناك خلطات كثيرة للشعر وزيوت الزيوت اللي كنت استخدمها مثل زيت دابر املا
هدا الزيت فظيع يا بنات للشعر وليومنا هدا زيت هندي معروف كنت احطه على شعري واجلس فيه من ساعتين ل4 ساعات طبعا احطه مزبوط على فروة الشعر اخليه يشرب زين طبعا في غيره :يعتبر زيت دابر أملا الأفضل بين مستحضرات التجميل بسبب مكوناته الطبيعية،
فغالبًا ما تتخوف السيدة من مستحضرات التجميل لما تحتويه من مواد كيميائية
تضر بالشعر على المدى البعيد،يعالج جميع مشاكل الشعر المتقصف-الباهت-المجعد-المتطاير-القصير-الشيب هدا زيت رائع بشكل كبير انصح فيه يابنات.
وهدا فظيع بس اضيفي عليه اي زيت غير زيت زيتون لانو ثقيل طبعا يا بناتا ي زيت تحطيه لازم يكون شعرك نظيف وبعد ما تحطي الزيت لفيه ببلاستيك وغطيه وعلى حس اللي تبغى من الوقت تخليه.يغذي الشعر ويجعل الشعر لامع وناعما.زيت جوز الهند يمكن شراؤه من الصيدليات، المتاجر أو عبر شبكة الانترنت. و
زيت جوز الهند رخيص بشكل مثير للدهشة بالنظر إلى المزايا التي يوفرها. يجب
تخزين الزيت في الزجاجة الأصلية في مكان بارد ومظلم ولكن ليس في الثلاجة،
على هذا النحو يتم حفظه لمدة عامين
زيت العربي كنت احطه لمسة اخيره على شعري واخليه ساعه بلكثير طبعا لما احط قبله اي زيت وفي غيره من الزيوت بس هدولا اللي كنت استخدمهم
ماسكات الشعر
في مساكات كثيرة للشعر بس اللي كنت استخدمه انا البيض والزبادي والمايونز
بس احيانا استخدم البيض والمايونيز
ماسك فظيع يابنات والله عن تجربة اكتبلكم وادا على الريحة عادي اغسله زييين ومزبوط وابخر شعري او بلعطر الخاص بشعر
في كمان البيض والزبادي روعة كمان لشعر ..... الصبار اي وحدة عندها صبار في بيتها تستخدمه والله يابنات انو الصبار هدا رائع رائع والكل يمدح فيه
الصبار يا بنات اي وحده عندها صبار تستغله على طول لشعرها عنصر رائع لشعر وانا اكثر وحده اجربه لشعري سواء كان نبته او بعلب الصبار يعمل على تغذية الشعر ويحمي الشعر من التساقط ويعمل على كثافته ويمنح الشعر اللمعان والنعومة وغير انو فيله فيتامينات ومعادن تفيد اي شعر مهلك ومتعب طريقته انكتاخدي الصباؤ وتقطيعه من الجنب وتاخدي المادة السائلة او تاخدي النبته وتفركي بها فروة شعرك وتخليه من نص لساعه وادا حابه تحطي معاه اي خلطة تحبيها لشعرك عادي وبس .....
الوجه
في خلطات كثيرة للبشرة انا بشرتي دهنية مرة واكثر شي استخدمه ومعتمد عليه النشا وموية الورد شي فظيع
هدا الخليط مفيد لانواع البشرات وبدات البشرة الدهنية رائع احب احط منو بعد الميك اب وفي اي وقت ما يحتاج وقت ولا تكلفة ولا جهد
وفي كمان الزبادي وشاهي الاخطر خليط حلو للي بشرتها دهنية ومحببة.
الين هنا يا حلوات اكتفي وان شاء الله بكمل الجزء الثاني يا عمري انتوا ^_^
ليست هناك تعليقات:
إرسال تعليق