وسلام عليكم ......
مدونتي هادي المره تعلمي معايا كيف اسوي وجبة سريعة ولذيذة ....
كيف رمضان معاكم وسهر وسحور والفطور اكيد تعب وجهد بس كل هدا بأجره... المهم ما احطول وجبتي بسيطة ولذيذة وتعلمتها من صديقتي وحبيت اجربها وجربتها وطلعت واو 😆 مع العلم في الاونة الاخيرة صرت ماحب التونة بس بطريقة حبيتها وتنفع للناس اللي تسهر بليل ومافيها تطبخ وابغى اي سريع....
حانزل المقادير اول شي..
المقادير:
مايونيز
تونه
توست
ملح
كمون
جبنه
فلفل اسود
وادا حابه بقدونس بس انا ماتوفرت عندي
الطريقة.....
ناخود كم حبه توست ونقص أطرافها زين
زي اللي بصورة
وبعدينك تفردها بلفراده حقت العجينه عرفتوها عاد ما اعرف اسمها تفردوها زين..
وتحطوا الخلطة بعد ماتخلطوها على طرف التوست
وتلفوها زي كدا طبعا عشان تتقلب زين تاخدوا شويا من الجبنه وتدهنوا بها طرف تاني من التوست وتلفي وتضغطي عشان تتقفل مزبوط..
وبس كدا انتهينا وبلعافيه 💚💙💗
